Novidades de ciencias e matemáticas

Na biblio tamén temos libros de matemáticas e ciencias. A que esperas?

EMPEZAMOS O CURSO 2020-2021

Chega un novo curso á biblioteca do IES García Barbón. Sabemos que é un curso complicado, mais dende o equipo da Biblioteca seguiremos coa nosa actividade tanto presencial como online. -En breve, teredes a vosa disposición o catálogo online da biblioteca na páxina do IES. -Podedes vir nos recreos a prestar e devolver libros. -Faremos concursos de relatos, debuxos, etc. que poderedes entregar virtualmente a través do correo biblioteca.barbon.verin@gmail.com. Agardámosvos un ano máis!!!!!

Lectura para hoxe: Historia absurda de España

Hoxe queremos recomendar un libro para pasar un bo rato lendo sobre a historia de España. Trátase dunha divertida obra chea de ironía e anécdotas que van dende os Reis Católicos ata a actualidade. Se queredes pasar un bo rato, recomendamos esta lectura. E lembrade, temos que quedar na casa, mais tamén podemos ler na casa. #Eu quedo na casa #eu leo na casa. Moito ánimo!!!! Sairemos desta.

O día do libro #Euleonacasa

O día 23 de abril é o Día Mundial do Libro. Dende a Biblioteca do IES García Barbón queremos recomendarche libros para ler nesta cuarentena. Hoxe queremos recomendar a obra Oryx e Cracke de Margaret Atwood. Seguramente coñecades a esta autora pola súa magnífica novela O conto da criada. Neste libro a autora sumérxenos nun futuro distópico no que os experimentos xenéticos están á orde do día. O relato comeza cun Home das Neves que co paso das páxinas irá desvelando a súa identidade. A través do flashback contásenos a historia de Jimmy, Oryx e Cracke que conflúe nun final realmente abraiante. Aínda que agora non podemos ir ás bibliotecas, si temos á nosa disposición un amplo catálogo dixital nas redes de bibliotedas de Galicia na páxina www.galiciale.gal Animámonos a ler nesta cuarentena? #Eutaménleonacasa

Hoxe recomendamos...

Nada mellor que un libro para estes días que temos que quedar na casa. Hoxe recomendamos unha historia dunha muller inconformista na España da II República, Papel y tinta de María Reig. Esta novela sitúanos no Madrid de principios do século XX. A protagonista é Elisa Montero unha muller de orixe humilde que é criada pola súa rica e misteriosa madriña, pertencente á alta burguesía madrileña. Elisa ten unha actitude rebelde ante os límites que establecen a súa condición feminina e a súa posición social social, quere ser xornalista e vivir o verdadeiro amor.

LENDO NA CASA #EUQUEDONACASA

Durante este confinamento algunhas editoriais permítennos ler gratis libros do seu catálogo. Non é bo momento para ler e viaxar por medio da lectura? Aquí deixamos algunhas opcións para ler durante estes días: O grupo Planeta ofrece para descargar os seus títulos máis populares ata o 31 de marzo na web:www.keepreadingencasa.planetadelibros.com e en plataformas de libros virtuais. A editorial Anagrama únese a este movemento ofrecéndonos a descarga gratuíta destes cinco ebooks: -Las cosas que perdimos en el fuego, de Mariana Enríquez. -Un buen detective no se cansa jamás, de Marta Sanz. -Años felices, de Gonzalo Torné. -Fiesta en la madriguera, de Juan Pablo Villalobos. -Mis documentos, de Alejandro Zambra. Pola súa banda, a editorial Roca ofrece vinte libros para todos os gustos: novela negra, ciencia ficción, deportes, etc. Non temos excusa, leamos e quedemos na casa!!!

Marzo: mulleres escritoras

O mes de marzo está dedicado ás mulleres escritoras. Se pasas pola biblioteca, verás a exposición de obras en distintas linguas: castelán, galego, francés e inglés de diferentes escritoras. Non esquezas, ademais, que dispoñemos dunha balda de igualdade con títulos representativos sobre o tema.

PREPARADOS PARA O SAN VALENTÍN? A biblioteca do IES García Barbón en colaboración con outros Departamentos organiza este ano un concurso literario ne visual de San Valentín para o alumnado do IES García Barbón. So tes que vir á biblioteca coller unha tarxeta, facer un texto de cinco liñas orixinal e ilustralo. Anímate e participa!!!

HOXE 4 DE FEBREIRO É O DÍA DO ORGULLO ZOMBIE. Dende a biblioteca do IES García Barbón propoñemos ao noso alumnado facer un concurso de curtas sobre zombies ambientadas no noso instituto. Participade ata o día 17 de febrei

ro e ganade un terrorífico premio!!!!

30 DE XANEIRO DÍA DA PAZ Con motivo do día da paz fixemos na entrada do noso centro unhas pombas con mensaxe. Xa escribiches a túa?

24 DE XANEIRO: DÍA MUNDIAL DA EDUCACIÓN Con motivo do día mundial da educación fixemos unha exposición na entrada do centro sobre a educación nos distintos países do mundo.